Partizani u mposht pak ditë më parë nga Vllaznia 0-1. Sfida u vendos nga një penallti që shkaktoi shumë debate, ndërsa Marku e ktheu në gol. Mungesa e madhe e kësaj ndeshje ishte Jasir Asani që nuk luajti për shkak kartonash. I ftuar në emisionin Zona Gol, Asani folur për sezonin e Partizanit, sfidën ndaj Vllaznisë, të ardhmen si dhe Kombëtaren shqiptare.
“Nuk e filluam siç duhet ndeshjen. Ka edhe një ndeshje tjetër, por kjo ishte finale dhe nuk e merituam humbjen. Penalltia nuk ishte sidomos në këto takime që janë finale. Dora e Belicës nuk ishte e hapur.
Ndaj Vllaznisë kishim mungesa e kanë ndikuar mungesa edhe pse Partizani ka lojtarë për t’I zëvendësuar. Në Laç e kemi merituar fitoren dhe na anullua një gol që në minutën e 10. Gjyqtarët nuk ishin korrekt me ne në atë takim. Kështu e ka futbolli e duhet të mësohemi me këto gjëra. Në Durrës ishte ndeshje e vështirë dhe e merituam fitoren. Nuk e kam merituar kartonin e verdhë që mora në atë takim. Gjyqtari nuk më nxori karton, por lojtarët e Teutës protestonin për të nxjerr kartonin. Të gjithë specialistët kanë thënë që nuk ishte karton dhe ishte faulli im I parë në atë ndeshje.
Penalltia? “Nuk është penallti pasi dora është e ngjitur. Edhe me VAR është e vështirë për ta dhënë një vendim të tillë e mendoj se është një gabimi I madh I gjyqtarit. Me këtë penallti mbaroi ndeshja dhe me 95% e kemi humbur titullin. E kishim vet në dorë, por mendoj se edhe 5% duhet të shpresojmë pasi mund të ketë një shans”.
Fotoja? “Ishte pas ndeshjes, e mbajta shumë veten, por rezistova. Ishte një tifoz I zjarrtë i Partizanit që më përqafoi e aty shpërtheva në lot. Nuk e kemi merituar të humbim kampionatin, por duhet të mësohemi edhe me gjyqtarët në Shqipëri”.
Sezonin personal? “Ka qenë një sezon I vështirë, u riktheva nga AIK dhe kisha disa oferta, por presidenti më kërkoi të qendroja për të ndihmuar skuadrën e besoj se kam bërë sezonin më të mirë. Daja? Ka ndikuar shumë pasi Daja është një nga më të mirët në Shqipëri dhe ma ka ndihmuar shumë. Më ka sjell në formën më të mirë dhe jam I lumtur, nuk kam pasur asnjëherë debate me trajnerin.
Kemi lënë shumë pikë me Skënderbeun, Bylisin dhe Apoloninë, por trajneri Daja i ka marrë më të mirë skuadrës pasi e kemi pasur merkaton e bllokuar. Kam luajtur disa ndeshje I dëmtuar, por më pas jam rikuperuar dhe kam dhënë më të mirën time”.
Cili ndeshje keni peng? “Të gjitha ndeshjet kanë qenë të rëndësishme për ne. Nëse nuk fiton me skuadrat e vogla nuk mund të fitosh titullin. Kemi bërë gabime, por gjithësesi jemi të lumtur që jemi në vendin e 3-të e tani do të shikojmë ndeshjen e radhës. Pengu më I madh do të jetë sfida ndaj Vllaznisë”.
E ardhmja? “Që në fillim kur kam ardhur kam qenë I lumtur e kam kaluar momente shumë të mira. Kam disa oferta, por e kam lënë që të mbaroj kampionatin dhe të flas me presidentin. Nuk e kam menduar ende pasi jam fokusuar te ndeshja e radhës. Dëshira ime është që të luaj në një kampionat më të fortë”.
Do të luaje me ndonjë skuadër tjetër në Shqipëri? “Nuk e besoj se mund të luaj me ndonjë skuadër tjetër në Shqipëri veç Partizanit. Jetës nuk I ndihet asnjëherë, por me këtë mendje nuk do të luaja me asnjë skuadër tjetër. Brenda 10 ditësh do e tregoj të ardhmen time nëse qendroj apo largohem nga Partizani”.
Lojtari më i mirë dhe skuadra më e mirë veç Partizanit? “Shokët e skuadrës normale që kanë dhënë maksimumin. Bregu ka bërë një sezon shumë të mirë dhe Vllaznia si skuadra më e mirë. Shmë shpejt do ta shikoj veten te Kombëtarja. Akoma nuk e kam marrë ftesën, por do ta presë deri në fund të jetës një ftesë edhe sikur do të luaj një ndeshje miqësore”.
Loading ...
