Paulie Malignaggi, ish-kampioni i botës në peshën “welter” ka ftuar në duel ikonën e UFC-së, Conor McGregor.
36 vjeçari amerikan është shprehur, se do të donte të zhvillonte një ndeshje boksi me McGregor pasi ky i fundit ka marrë edhe licensën për boksier në Kaliforni. Ish-kampioni ka shtuar, se irlandezi po tregohet shumë i papjekur me deklaratat për boksierët dhe se do të donte ti jepte një mësim të mirë.
“Kam dëgjuar kohët e fundit për këtë Conor McGregor dhe situatën përreth tij dhe vendosa t’i them se jam i interesuar për të zhvilluar një duel me të. Fillimisht mendova t’i them që të qëndrojë aty ku është, pasi nëse ai bokson do të thotë që nuk ka respekt për boksin”
“Unë e respektoj sportin tënd dhe u them të gjithëve se mund të bëhem një sportist shumë i mirë në duelet e UFC-së, duke triumfuar në kafaz. Ti nuk mund të vish në sportin tonë dhe të mburresh që mund të mposhtësh boksierët më të mirë. Nëse ka dëshirë të ngjitet në ring, kam dëshirë të jem, unë i pari që do t’i japë një leksion të mirë”, u shpreh Paulie Malignaggi.
Një duel mes tij dhe McGregor që vështirë se realizohet edhe pse prej muajsh përflitet për një duel mes irlandezit dhe Floyd Mayweather, por që ka mbetur në kuadrin e thashethemeve. McGregor mori këtë jave licensën për të boksuar, ndërkohë që u bë sportisti i parë i UFC-së që fiton dy tituj kampione botë (njërin e dorëzoi).
Lexo gjithashtu
