VIDEO/ Mbërrijnë heronjtë e Francës, avioni zbret në Rinas

Sapo është mësuar që heronjtë e Francës kanë mbërritur në Rinas. Tani pritet që kuqezinjtë të zbresin nga avioni ku do të kenë një pritje madhështore. Mijëra njerëz janë mbledhur pranë aeroportit ku po presin të takojnë djemtë kuqezinj pas asaj paraqitje historike në Francë. I pari që zbriti nga avioni ishte presidenti Duka, për të vijuar më tej me teknikun italian. Ata u takuan me kryeministrin Rama dhe ministren e Arsimit dhe të Sportit Lindita Nikolla. Po ekzekutohet ceremonia që do t’i nderojë djemtë e Kombëtares të cilët zbritën menjëherë pas Dukës dhe teknikut italian.