Antonio Candreva vazhdon te jetë në shënjestrën e Interit. Por si e ka “bërë për vete” Roberto Mancinin? Ja si e shpjegon e përditshmja italiane “Gazzetta dello Sport”:
“Është i pari mesfushor ofensiv në historinë e Lazios që arrin numër golash me dy shifra për tre sezone radhazi. Antonio Candreva një shenjë te Lazio e ka lënë, ka ndryshuar karrierën e tij nga premtuese, duke u bërë nje lojtar i njohur ndërkombtarisht, siç e tregon edhe vlera e rëndësishme që do të hyjë në arkat e Lotitos. Ajo që mund të ketë bërë Mancinin qe të “dashurohet” me lojtarin janë plot 212 krosimet, 7 për ndeshje, ndoshta derivante te 78 driblimeve. Në një kampionat ku askush nuk driblon më shumë kundërshtarin, për ta shërbyer pastaj topin në zonë, atëherë ai ka një vlere te madhe. Goditja e merkatos mund te jetë me të vërtetë ai”.
