Kukësi e nisi sezonin e ri të Superiores me një humbje ndaj Vllaznisë në ‘Loro Boriçi’ ku u mposht me rezultatin 3-1. Java e dytë i rikthen verilindorët në shtëpi, aty ku në ‘Kukës Arena’ do të presin Egnatian, të dielën në orën 16:00.
Normalisht, pritet që kuksianët të jenë më komod duke qenë se luajnë në shtëpinë e tyre, por statistikat nuk i japin të drejtë kësaj. ‘Kukës Arena’ është kthyer në një makth për ekipin teksa në 3 ndeshjet e fundit këtu ndaj Egnatias nuk njeh asnjë fitore duke u mposhtur 2 herë sezonin e fundit dhe një barazim para dy vitesh.
Rraman Hallaçi dëshiron me çdo kusht të thyejë këtë mallkim dhe të dielën do të provojë me të gjitha mënyrat për t’i marrë 3 pikë rrogozhinasve.
Poll
Lexo gjithashtu
