Ish-mbrojtësi i Skënderbeut, Gledi Mici është "blerja" e kësaj fundjavë e Shkëndijës së Tetovës, që ndaj Makedonija GP. do të mbështetet edhe te aftësitë e futbollistit shqiptar.
28 vjeçari mungoi ndaj Vardarit pasi kishte mbushur numrin e kartonave dhe pritet të jetë në dispozicion të teknikut Qatip Osmani për ndeshjen e radhës.
Megjithatë, rikthimi i Micit nuk "ngroh" ambientin e kuqezinjve, që do të vuajnë mungesa të rëndësishme si Egzon Bejtullai, i cili kompletoi numrin e kartonave (pesë), dhe sulmuesit Marjan Radeski, i cili ende nuk është gati 100% për lojë pas operimit të ligamenteve.
Aktualisht Shkëndija ndodhet në vendin e parë e shkëputur me 8 pikë nga ndjekësi më i afërt, Vardari. Në rast të një fitoreje ndaj Makedonija GP do afrohej akoma më shumë me titullin, të cilin e fitoi edhe sezonin e shkuar.
Lexo gjithashtu
