Luzi 2008 do të nisë zyrtarisht përgatitjet për sezonin e ri më 12 korrik. Kavajasit do të zbresin në fushë për të nisur fazën përgatitore për sezonin e ri.
Presidenti Albert Lushnja kërkon një skuadër kompetitive, njëjtë si ajo e këtij viti që arriti një sukses duke qenë vetëm 1 fitore larg finaleve të Play-Off. Një sezon i kënaqshëm duke ditur që vinin nga Kategoria e Dytë.
Përgatitjet fillojnë me trajnerin e ri dhe i përzgjedhuri i presidentit është Gerson Stojku, një emër i ri në botën e trajningut por që ka fituar besimin e kreut të klubit. Gjithashtu do të prezantohen edhe 3 lojtarët e rinj, që janë të gjithë të huaj.
Michael Akpa, Emmanuel George dhe Peter Mandela Itodo janë afrimet e Luzit por jo të fundit pasi do të ketë sërish ndërhyrje, por jo të mëdha. Drejtuesit kanë ruajtur 90% të grupit që korri sukses vjet dhe do të tentoi të bëjë akoma më mirë në sezonin e ri.
Lexo gjithashtu
