Dje, Lushja ka ndalur Luftëtarin në fushën e blertë. Gjirokastritët nuk kanë mundur të marrin më shumë se një barazim 0-0 ndaj lagunarëve të cilat reaguan mirë thuajse gjatë gjithë lojës. Edhe pse rastet nuk munguan, Lushnja reagoi mirë duke fituar një pikë në këtë takim.
I menjëhershëm ka qenë reagimi i presidentit të Luftëtarit, Grigor Tavo, i cili ka menduar të tregohet realist dhe me "këmbë në tokë", duke u shprehur se nuk do të fitojnë gjithmonë ata.
"Nuk do të ketë gjithmonë fitore se na marrin mësysh. Humbëm shumë raste dhe këto i ka futbolli. Mund të kishim shënuar dhe në fund të pjesës së parë, gjithashtu dhe në fund të pjesës së dytë.Kemi shumë ndeshje përpara dhe do shikoni që do fitojmë sërish. Që të ecim para duhet të kemi besim", është shprehur presidenti i bluzinjve.
Lexo gjithashtu
