Luiza Gega ka shkruar në llogarinë e saj në facebook për garën e nesërme ku premton që do të japë maksimumin. Atletja deklaron që nuk është në 100 % të formës së saj për shkak të një lëndimi, por megjithatë ajo do të tentojë të japë maksimumin.
Gati për nesër. Dhe pse ndoshta jo në 100% të formës time pasi dëmtimi në tendinë mbas Kampionatit Europian më ka lënë pak mbrapa me stërvitjen speciale të pengesave përsëri do jap maksimumin tim. Janë Lojërat e para Olimpike për mua dhe dua t'i shijoj në maksimum. Gjithsesi sporti për mua nuk mbyllet këtu. Lojërat e ardhshme vijnë më shpejt se sa i mendojmë dhe unë do të vi me synime shumë më të mëdha. Ndihem shumë me fat që kam një mbështetje shumë të madhe nga njerëzit ku urime pa fund akoma vazhdojnë të më vijnë. Faleminderit", shkruan Luiza Gega në facebook-un e saj.
Luiza Gega para disa javësh u shpall nënkampione Europe në garën që u zhvillua në Amsterdam të Hungarisë.
[gallery columns="1" size="full" ids="25968"]
Lexo gjithashtu
