Sulmuesi i Dinamos, Luis Kaçorri dha prononcimin e tij për MCN pas ndeshjes me Skënderbeun. Bomberi ishte autori i golit të parë dhe u shpreh i lumtur për realizimin si dhe fitoren e skuadrës.
“Për golin jam i kënaqur pasi i dhashë 3 pikët ekipin. Nëse trajneri mendon se gjëndja fizike nuk është optimale, ka të drejtë pasi e sheh nga jashtë. Është bërë ndryshim me Mehmetin pasi kanë ardhur rezultatet. Trajneri që iku na dha diçka por nuk arritëm të jepnim në fushë. Me Mehmetin është ndryshe pasi e njeh kampionatin shqiptar.
Objektivi është të bëj gol çdo ndeshje por tani na duhen pikët. Dua gjithmonë të jem titullar por në dorë e ka trajneri. Nëse futem në pjesën e dytë e kam më të vështirë pasi jam edhe trup i madh dhe duhet kohë për t’u mësuar. Më erdhi keq që nuk isha titullar në derbi, por dhashë maksimumin në pjesën e dytë.”
Lexo gjithashtu
