Luftëtari i këtij sezoni të tërheq shumë pak në lojë. Megjithëse u munduan në këtë merkato për të ndërtuar një ekip kompetitiv duke sjellë shumë lojtarë të rinj në merkaton e verës, gjirokastritët kanë treguar shumë pak nga çfarë pritej. Pakënaqësitë janë shtuar dhe në radhët e tifozëve, që ndihen të zhgënjyer për besimin dhe mbështetjen e madhe që i kanë dhënë ekipit dhe lojtarëve.
Por për presidentin e klubit Grigor Tavo kjo fazë delikatë do të kapërcehet shpejt. Sipas tij klubi ka një projekt tjetër të bazohet te lojtarët e rinj me synimin për të ndërtuar një ekip rezultativ në të ardhmen.
” Klubi është në një situatë të qëndrueshme si nga ana organizative ashtu dhe financiare dhe kjo do të jetë një nga armët kryesore për të marrë rezultatet që duam. Jemi të vetëdijshëm se kjo është një punë e madhe, por në një plan afatgjatë kjo do të sjellë rezultate si në pozicionimin në tabelë dhe në evidentimin e prodhimin e lojtarëve të rinj”, shprehet kreu i klubit gjirokastrit.
Loading ...
