Pak ditë më parë në qytetin e Shkodërs u zhvillua takimi historik për mbarë Shqipërinë, pasi në fushën e “Loro Boriçit” ishte Real Madrid i femrave. Vllaznia e femrave bëri një paraqitje dinjitoze dhe pse rezultati shkoi në favor të miqve 0-2.
Inspektimet e shumta para ndeshjes kanë sjellë të vetmin shqetësim, fusha e cila ishte e rënduar dhe duhej të kishte ndërhyrje. Sipas “ShkodraSport” drejtuesit e klubit në bashkëpunim me bashkinë Shkodër do të nisin menjëherë punimet, në muajin nëntorë. Takimi i fundit që do të mirëpresë “Loro Boriçi” do të jetë “Klasikja Shqipërisë”, Vllaznia-Tirana.
FSHF ka planifikuar datat 5 ose 6 nëntor, për këtë përballje. Menjehere pas përfundimit, fusha do të nis procesin e mbjelljes së barit të ri. Gjithçka duhet të mbyllet brenda një periudhe 1 muaj, sepse siç dihet, me 8 dhjetor Vllaznia e femrave do të zhvillojë ndeshjen e rradhës në Champions League kundër PSG.
Lexo gjithashtu
