Edhe pse situata është e nderë te Tirana pas paraqitjeve të skuadrës bardheblu në kampionat, kjo nuk e ka penguar presidentin Refik Halili të menaxhojë punët brenda skuadrës. Te kryeqytetasit është rikthyer pas një mungese të gjatë ish-kapiteni dhe ish-drejtori sportiv i 24-herë kampionëve të Shqipërisë Devi Muka. Ai ka marrë rolin e drejtorit të akademisë së Tiranës. Muka është prezantuar në kampin bardheblu në kohën kur ekipi i parë po kryente stërvitje. Në fushë ka zbritur dhe presidenti Halili i cili ka komunikuar hapur me të gjithë grupin e futbollistëve të pranishëm duke i vënë përpara përgjegjësisë për ecurinë e pakënaqshme deri tani dhe fatin e sezonit. Pragndeshja me Luftëtarin është një provë serioze për të gjitha palët: skuadrën, Ze Marian dhe klubin që duhet të fitojë besimin e tifozëve.
Lexo gjithashtu
