Dita e sotme është një ditë e veçantë për legjendën e mikrofonit sportiv. Zëri brilant i sportit feston sot 89-vjetori e tij të lindjes. Fjala është për Ismet Bellovën, zëri i të cilit është “ngulitur” thellë në memorien e sportdashësve.
Një legjendë e gjallë e sportit, teksa nuk do të mjaftonin asnjëherë fjalët dhe rreshtat për të folur për karrierën e tij 64-vjeçare kushtuar sportit. Fjalët e tij rrjedhin “lum” dhe kënaqin veshin e çdo dëgjuesi që ka fatin të dëgjojë “tingujt” e atyre që thotë.
Për shkak të zërit dhe profesionalizmit të tij, Bellova ka fituar një sërë titujsh, çmime dhe dekorata.
Tituj, çmime e dekorata: “Mësues i Popullit” Urdhri “Naim Frashëri” Klasi I; Urdhri “Naim Frashëri” i Artë; Urdhri i Punës Klasi I; “Nderi i Sportit Shqiptar”; “Urdhri Olimpik”; “Mirënjohja e Tiranës”; “Nderi i Sportit Dibran”, “Kalorësi Urdhërit të Flamurit”.
Nderime: Në vitin 2004 u krijua çmimi “Ismet Bellova” në gazetarinë sportive; Çmimi i Karrierës në TVSH; dy herë Çmimin “Anton Mazreku”; Mikrofoni i Artë në TVSH.
Lexo gjithashtu
