Teuta do të zbresë sot në fushë për të luajtur ndeshjen e kthimit të turit të dytë të Conference League ndaj Inter Escalades. Kampionët e Superligës u mposhtën ndeshjen e parë në Durrës me rezultatin 0-2 dhe sot në Andorra do të tentojnë përmbysjen e madhe për të kaluar më tej.
Tashmë trajneri Edi Martini ka skicuar edhe 11-shen titullare që do të zbresë në fushë, ndërsa me largimin e mbrojtësit Rustem Hoxha ka ndryshuar edhe formacioni. Albano Aleksi do të marrë vendin e Hoxhës në mbrojtje, ndërsa E.Vila, Kallaku dhe Karabeci do të luajnë në mesfushë. Në sulm Krasniqi dhe Seferi do të mbështesin sulmuesin Gjorgjev.
Formacioni i mundshëm i Teutës: Frashëri, Todorovski, Aleksi, Arapi, Jackson, E.Vila, Karabeci, Kallaku, Seferi, Krasniqi, Gjorgjev.
Loading ...
