Florent Hasani u transferua nga Tirana te Rapidi i Bukureshtit, dhjetorin e kaluar. Largimi i sulmuesit kryesor nga bardheblutë, mendohej se do prishte ekuilibrat te reparti ofensiv.
Gjithçka është lënë pas sepse sulmi po shkëlqen. Që nga largimi i Hasanit, Tirana ka luajtur 6 takime në kuadër të Superiores.
Me 16 gola të shënuar, sulmi i kryeqytetasve është më i frikshmi për Superioren. Tirana ka fituar 3 ndeshje gjatë kësaj kohe, ka humbur 2 dhe ka barazuar 1 tjetër.
Pavarësisht problemeve në prapavijë, sulmi mund të thuhet se nuk e ka tradhëtuar skuadrën pasi 2 herë është fituar me përmbysje. Takimi i radhës luhet të dielën ora 13:30 kundër Erzenit në stadiumin “Selman Stërmasi”. Mbetet për t’u parë nëse do vazhdojë i njëjti impakt.
Poll
Lexo gjithashtu
