Mesfushori i Kukësit, Edon Hasani, i cili u fut i dëmtuar në takimin kundër Laçit në finalen e Kupës së Shqipërisë dhe që u zëvendësua në minutën e 46 të saj, tashmë është në fazë rikuperimi. Ai ndodhet larg skuadrës, e cila po zhvillon fazën përgatitore në Maribor të Sllovenisë, por mjeku që ka marrë përsipër gjendjen fizike të lojtarit bën me dije se ai do të jetë në fushë për ndeshjen e parë të turit eliminator të Europa League. Lojtari po vazhdon intensivisht fazën rikuperuese në qendrën mjekësore "Milano Medical Center" me mjekun fizioterapist Ervin Kapaj, ndërsa ky i fundit ka pohuar se për 2 deri në 3 javë Hasani do të jetë në fushë.
Galeria fotografike ()
Poll
Lexo gjithashtu
