Të dy skuadrat, si Partizani ashtu edhe Kukësi, kanë mbyllur seancat stërvitore për takimin e javës së 23-të të Superligës.
Ekipet kanë udhëtuar drejt Kukësit dhe janë akomoduar për të qënë gati për ndeshjen e nesërme.
Të kuqtë e Starovës janë akomoduar në hotel "Amerika", i cili konsiderohet ësi fatsjellës për ta. Katër fitore ka arritur Partizani t'i marrë verilindorëve në ndeshjet e fundit në transfertë dhe ka qenë pikërisht i njëjti hotel ku ata kanë qëndruar.
Mesa duket drejtuesit e klubit të Partizanit janë shumë supersticiozë dhe kanë zgjedhur të njejtin hotel.
Nga ana tjetër, presidenti i Kukësit ka vendosur që të bëjë hyrjen falas në stadiumin "Zeqir Ymeri", për të dy tifozeritë.
Pritet që nesër stadiumi të jetë plot pasi përveç tifozëve të Partizanit të cilët do të nisen nesër dhe atyre të Kukësit që do të jenë të pranishëm, në stadium do të vijnë edhe rreth 200 sportdashës nga Kosova.
Lexo gjithashtu
