Shqipëria U21 do të luajë ndeshjen ndaj Angisë. Sfida është programuar të luhet në “Loro Boriçi” të Shkodrës. Takimi i 15 nëntorit ka bërë që ekipi i drejtuar nga Alban Bushi të presë grumbullimin në Durrës, për t’u përgatitur për këtë ndeshje “luksi”.
Ndryshime kanë ndodhur sot në listën e të grumbulluarve, teksa Alban Bushi ka thirrur në ekip “yllin” e Tiranës. Bëhet fjalë për Jurgen Çelhakën, që zë vendin e të dëmtuarit Arbnor Muçolli. Mesfushori bardheblu ka zhvilluar paraqitje të mira këtë sezon, duke fituar edhe vendin e titullarit në ekipin e drejtuar tanimë nga Julian Ahmataj. Në këtë mënyrë, Alban Bushi është duke i dhënë mundësinë një tjetër lojtari të Superligës, të tregojë aftësitë me fanellën e Kombëtares U21.