Kastrioti arriti një fitore të madhe në transfertën e Tiranës me rezultatin 0-1. Krutanët kanë ecurinë më të mirë në “Abissnet Superiore” dhe tani asgjë nuk është rastësi.
Mbijetesa duket diçka e siguruar dhe tashmë Katrioti ka mundësinë për të ëndërruar Europën. Për mikrofonin e SuperSport foli pas ndeshjes Bekim Kuli, trajneri që zëvendësoi Çelën që mungonte për shkak të kartonit të kuq të marrë me Kukësin.
“Në çdo ndeshje jemi me këmbë në tokë. Luajtëm shumë mirë. Treshen e sulmit Tirana e ka më të mirën. Ne u mbrojtëm dhe kundërsulmuam, më pas goli na doli.
Mbrojtja fillon nga sulmi. U mbrojtëm mirë dhe bëm që Sali të ketë më pak punë.
Kemi luftuar për mbijetesën, për gjërat e tjera si Europa e ka në dorë Zoti lart.
Nuk e di nëse jemi liçensuar për Europën. Ne nuk e kemi menduar asnjëherë, por shkojmë vetëm për moral”, u shpreh Kuli për SuperSport.
Lexo gjithashtu
