Kryesia e klubit të Gjilanit, ka dhënë dorëheqje të dielën mbrëma, pas presionit të madh të tifozëve gjilanas, që ditët e fundit kishin uzurpuar edhe lokalet e klubit.
Kryetari i klubit Murat Hoxha u tërhoq të dielën, e para tij të njëjtën e kishte bërë edhe drejtori Agron Korça, raporton KTV.
Dorëheqjen e kishin kërkuar me ngulm tifozeria e klubit “Skifterat”, të cilët këmbëngulnin në ndërrimin e kryesisë sipas tyre me ndikim politik në klub, por edhe hapjen e rrugës për investitorët e ri të klubit. Prej tri ditësh radhazi, tifozët ishin vendosur në ambientet e stadiumit, duke mos lëvizur prej andej deri në përmbushjen e kërkesës së tyre.
Gjilani në muajt e fundit ishte përballë me krizë financiare, duke detyruar disa nga lojtarët të largoheshin nga skuadra.
Lexo gjithashtu
