Tirana-Skënderbeu 2-2
Ka përfunduar në barazim 2-2 takimi Tirana-Skënderbeu që u zhvillua në kuadër të javës së 25-të të Superligës.
Ede shënoi në minutën e 3-të për bardheblutë, ndërsa barazoi Salihi në minutën e 17-të nga pika e bardhë.
Në minutën e 43-të, Hoxhallari realizoi një supergol nga goditja e dënimit, duke e dërguar Tiranën në avantazh 2-1 në dhomat e zhveshjes.
Pjesa e dytë nisi me Skënderbeun që kërkoi me ngulm golin e barazimit dhe e gjeti në minutën e 57-të, sërish me anë të Salihit që realizoi me kokë.
Në fundin e ndeshjes, Gjergji Muzaka pati dy raste të pastra për shënim, por mesfushori i Skënderbeut, në të parin u ndal nga Hoxhallari dhe Ilion Lika dhe në momentin e dytë goditi jashtë me kokë.
Loading ...
