Kukësi do të luajë kundër Tiranës, ndeshje e vlefshme për javën e 21-të të Superiores. Përmes një njoftimi në faqen zyrtare, klubi verilindor bën me dije që është vendosur heshtje për shtyp deri të shtunën. Ky vendim është marrë në mënyrë që lojtarët të jenë të impenjuar për këtë takim të vështirë që do të luhet në kryeqytet.
"Skuadra e F.K. Kukësit ka vendosur heshtje për shtyp para ndeshjes me Tiranën. Takim ky që do të luhet, ditën e shtunë, në orën 17:00, në stadiumin “Selman Stërmasi”. Stafi teknik kërkon që përgatitjet para ndeshjes të kalojnë në qetësi dhe për këtë futbollistët duhet të jenë të përqendruar vetëm te ndeshja me Tiranën. Heshtja për shtyp është në fuqi deri pas ndeshjes me bardheblutë. Çdo informacion në lidhje me ekipin do të mund ta merrni përmes faqes zyrtare të klubit dhe ndërmjet komunikimit me zyrën e shtypit", shkruhej në faqen zyrtare të Kukësit.
Skuadra e drejtuar nga trajneri Ernest Gjoka ndodhet në vendin e parë me 42 pikë, ndërsa bardheblutë e Mirel Josës renditen në vendin e katërt me 27 pikë të grumbulluara. Ky takim është mjaft i rëndësishëm për ecurinë e të dy ekipeve, pasi verilindorët duan të vazhdojnë ecurinë pozitive drejt titullit, ndërsa skuadra e Tiranës për të zënë një vend për Kupat e Europës.
[gallery columns="1" size="full" ids="81073"]
Lexo gjithashtu
