Është skuadra që po bën më tepër bujë në kampionat, qoftë për afrimet, qoftë edhe për sasinë e parave që paguan një lojtar në sezon. Por, pak mendojmë se e dinë sesa korrekt janë me lojtarët dhe palën e tretë bashkëpunuese.
Ditët e fundit po nxjerrin në pah problemet e skuadrës kuqezi, e cila mban mbi supet e saj lavdi dhe sukses, por që për herë të parë pas shumë vitesh rrezikon që të përjashtohet nga Kategoria Superiore për shkak defiçiti monetar.
Burime konfeidenciale për "newsport.al" bëjnë me dije se FSHF-ja ka vënë në dijeni skuadrën kuqezi për sezonin e ri, ku duhet që të bëjë pagesat e lojtarëve aktualë dhe të prapambetur që të kenë të drejtë të nisin kampionatin, në të kundërt nuk do të bëhen federime.
Mësohet se lojtarët kanë pesë muaj pa u paguar, ku pasoja e parë është largimi i Danilo Alvesh, ndërsa pritet që të pasohet nga të tjerë. Gjithashtu, mësohet se lojtarëve të rinj që janë afruar u është afruar pagesë qesharake, prej 50 mijë lekë të rinj në muaj, e cila është refuzuar nga disa lojtarë, të cilët janë larguar.
Edhe me ata që janë pjesë e kuqezinjve, mësohet se do të ketë ulje pagesash, ndërsa shpërbërja duket më pranë. Kjo, për arsyen e vetme se administratori Sinan Idrizi mbetet ende jashtë Shqipërisë, në këtë moment që duhet të ishte pranë Flamurtarit që të qartësonte gjithçka, pasi kanë mbetur dhe 3 ditë nga mbyllja e merkatos.
Lexo gjithashtu
