Tre lojtarë të Partizanit në volejboll për meshkuj janë dënuar nga Federata Shqiptare e Volejbollit me një ndeshje pezullim dhe gjobë prej 100 mijë lekësh (të vjetra). Për këtë klubi i kuq ka reaguar në faqen zyrtare në facebook, ku i bën thirrje FSHV-së të tërheqë mbrapsh vendimin, ose në të kundër të përdorë të njëjtin standart për të gjithë.
"Ne ndeshjen e fundit Partizani-Studenti ku pati nje incident te vogel mes lojtareve(vetem me ofendime mes njeri-tjetrit) ne perfundim te setit te dyte, Federata Shqiptare e Volejbollit denoi ne menyre tendencioze tre prej lojtareve tane me 1 ndeshje pezullim dhe 10.000 leke te reja gjobe. Ne nje situate kur te dyja skuadrat perplasen ne fushe vetem me fjale (incidenti u nis nga nje lojtar i Studentit) dhe te njetjat veprime kryen nga te dyja palet, denimi i VETEM nje ekipi me tre lojtar eshte mese i qellimshem.
Duke marre shkas nga ndeshja Elbasani-Farka Voley po kete jave e cila degjeneroi ne dhune fizike aq sa ndeshja u nderpre dhe nuk u luajt me, me denimin e vetem nje lojtari me pezullim dhe gjobe, eshte e papranueshme qe ndeshkimi te jete me i rende dhe kundrejt tre lojtareve ne situaten e klubit tone.
Klubi Partizani kundershton dhe i ben thirrje Federates te terheq vendimin pasi disponon edhe vete pamje filmike te ndeshjes te cilat shfaqin mjaft qarte se asnje nga veprimet e lojtarve nuk eshte per tu denuar. Nese po atehere duhet te denohet edhe pala kundershtare per te njejtat veprime!", përfundon njoftimi i Partizanit në faqen zyrtare në facebook.
[gallery columns="1" size="full" ids="92731"]
Lexo gjithashtu
