Lajmë të këqija për Partizanin nga kampi i kundërshtarëve

Autori i golit të vetëm në ndeshjen e zhvilluar në “Elbasan Arena” mes Partizanit dhe Salzburgut, Xhonatan Soriano, duket se do të jetë i gatshëm për takimin e kthimit që do të zhvillohet mbrëmjen e së mërkurës në Austri.

Soriano mbeti i dëmtuar në takimin e parë pas një ndërhyrjeje të rëndë të Kalarit, ku ky i fundit u ndëshkua me karton të kuq. Gjatë këtyre ditëve u fol se dëmtimi i Sorianos ishte i rëndë dhe do ta linte atë jashtë ndeshjes së kthimit, por sipas raportimeve që vijnë nga kampi i kundërshtarit të Partizanit, ai është duke u rekuperuar dhe mund të humbë vetëm takimin e fundjavës në kampionatin austriak.