Komisioni i Disiplinës mori vendimin për të dënuar me 4 ndeshje pa tifozë ekipin e Partizanit, por ekziston mundësia që klubi i kuq të pagujë pas shlyerjes së gjysmës së dënimit, duke e konvertuar këtë pezullim me gjobë në vlerë monetare.
Kjo do të thotë se nëse Partizanit shlyen financiarisht gjysmën e dytë të dënimit, të kuqtë do të luajnë me tifozë në stadium në sfidën kundër Skënderbeut.
Partizani do të luajë këtë javë pa tifozë ndeshjen kundër Laçit për shkak se kurbinasit janë dënuar më herët nga Komisioni i Disiplinës.
Më pas, në ndeshjen e javës së 25-të në shtëpi kundër Flamurtarit, të kuqtë do të luajnë gjithashtu pa tifozë nga një vendim i marrë nga Disiplina për dënim ndaj fansave të kuq, përpara ndeshjes kundër Kukësit.
Sfida pasardhëse për Partizanin pas Flamurtarit, është ajo kundër e javës së 26-të kundër Korabit.
Deri këtu Partizani shlyen gjysmën dënimit të dhënë nga Disiplina dhe duke nisur nga java e 27-të pret Skënderbeun në shtëpi, çka do të thotë se starton gjysma tjetër e dënimit ku të kuqve iu lind e drejta ta shlyejnë atë përmes gjobës monetare.
Në këtë mënyrë, Partizani do të luajë me tifozë kundër Skënderbeut dhe më pas edhe kundër Luftëtarit dhe Vllaznisë që janë sfidat në të cilat Disiplina ka marrë vendimin që të kuqtë të luajnë pa spektatorë.
Lexo gjithashtu
