Lajm i fundit/ Peshëngritësja shqiptare renditet e dyta në “Rio 2016” (VIDEO)

Peshëngritësja shqiptare në Rio 2016, Evangjelia Veli, ka përfunduar garën e saj në peshëngritjen për femra, në kategorinë deri në 53 kilogram.

Veli garoi në baterinë B së bashku me 5 sportistë të tjera dhe u renditet e 2-ta në dygarësh me 165kg të ngritura.

Ajo realizoi të treja provat në shkëputje me 68, 72 dhe 75kg ndërsa në shtytje realizoi vetëm dy të parat me 88 dhe 90 kg, ndërsa dështoi në provën e fundit me 96kg.

Tashmë pritet të përfundojnë garën edhe 7 sportistet e baterisë A, për të parë ku do të renditet Veli, e cila në këtë moment ka siguruar vendin e 9. Objektivi i Velit në këtë olimpiadë, duke qënë se u thirr në momentin e fundit, ishte vendi i 8, i cili mund të arrihet në rast se ndonjë nga peshëngritëset e baterisë A nuk klasifikohet në dygarësh, ose ngre më pak peshë se ajo.