Laçi ka nisur zyrtarisht përgatitjet për sezonin e ri pak ditë më parë teksa një grup lojtarësh zhvilloi seancën e parë. Nën urdhërat e trajnerit Stavri Nica u stërvitën një grup i reduktuar lojtarësh pasi një pjesë e mirë e skuadrës së vjetshme është larguar duke përfshirë emra të bujshëm si Guindo, Shkurtaj, Turka, Selmani e Mazrekaj.
Drejtuesit po punojnë për rindërtimin e ekipit të ri dhe kanë afruar disa emra mjaft me perspektivë nga kampionatet e moshave. Do të ketë ende shumë afrime dhe trajneri Nica do të provojë lojtarët në këtë fazë përgatitore.
Mënyra më e mirë janë testet miqësore dhe pikërisht ditën e nesërme do të zhvillohet e para. Bardhezinjtë do të përballen me skuadrën shqiptare të Maqedonisë së Veriut, Voska Sport e cila sapo ka siguruar ngjitjen në Superligën fqinje.
Lexo gjithashtu
