Laçi është një nga skuadrat që pritet të shkëlqejë në pjesën e dytë të këtij sezoni futbollistik. Ekipi i drejtuar nga trajneri Besnik Prenga synon të kapë Europën, megjithatë duhen edhe 18 javë nga fundi i këtij edicioni futbollistik që të vendoset verdikti përfundimtar. Por, një problem madhor shqetëson kurbinasit në këtë fazë të tretë të Superiores.
Bëhet fjalë për tapetin e stadiumit që nuk është në formë optimale. Trajneri Prenga njihet për lojën me pasime të shpejta dhe tokazi, mirëpo fusha e stadiumit të Laçit nuk të lejon t’i marrësh maksimumin çdo futbollisti. Prej kohësh, drejtuesit kanë punuar intensivisht për ta rinovuar, por temperaturat e ulëta kanë dëmtuar disi tapetin e impiantit kurbinas.