Kategoria Superiore, Java e III-të
Skënderbeu-Laçi (1-1)
Shënues: Uzuni 30', Muzaka 33'
Është mbyllur në barazim 1-1 sfida e parë e javës së tretë të Kategorisë Superiore mes Skënderbeut dhe Laçit. Në stadiumin e boshatisur të Korçës për shkak të dënimit të vendasve, kampionët ishin më kërkues për të arritur fitoren, por ishin në fakt kurbinasit që kaluan të parët të në avantazh. Megjithatë korçarët barazuan mjaft shpejt me anë të Muzakës. Pjesa e dytë nuk solli ndonjë ndryshim, me Skënderbeun që luajti për më shumë se 20 minuta me 10 lojtarë pas daljes me të kuqe të Abazit. Të dy ekipet ndajnë kështu nga një pikë në këtë javë të tretë të kampionatit.
Formacionet zyrtare:
Skënderbeu: Teqja, Aliti, Radas, Vangjeli, Abazi, Demte, Dita, Muzaka, Gripshi, Bregu, Krasniqi/ Trajner: Orges Shehi
Laçi: Selmani, Gjoni, Sefgjinaj, Mersinaj, Frangaj, Jonuzi, Eller, Uzuni, Lushkja, Shtubina, Xhixha/ Trajner: Artan Mërgjyshi
Komenti minutë pas minute:
Mbyllet takimi në barazim 1-1.
90+5'- Laçi pranë golit, portieri Teqja shpëton për mrekulli portën e korçarëve.
90+5'- Zëvendësim i fundit te Laçi. Del Shtubina, në fushë Toro.
90+5'- Pranë golit të fitores Skënderbeu, por korçarët gabojnë nga brenda zonës me gjuajtjen që përfundon mbi kuadrat.
90'- 5 minuta shtesë të akorduara nga arbitri i katërt.
87'- Goditje me kokë nga Oto Xhon, por topi përfundon në duart e portierit Selmani.
82'- Skënderbeu mjaft agresiv pavarësisht se me një lojtar më pak.
80'- Zëvendësim edhe te Laçi. Del Xhixha, në fushë Artipalmakovski.
79'- Zëvendësim i dyfishtë te Skënderbeu. Del Muzaka dhe Krasniqi, në fushë Sambou dhe Oto Xhon.
75'- Tjetër karton i verdhë për Skënderbeun. Ndëshkohet Marko Radas me korçarët që humbasin disi qetësinë.
73'- Karton i dytë i verdhë për Abazin, Skënderbeu mbetet me 10 lojtarë pas një faulli të rëndë të lojtarit.
71'- Zëvendësimi i dytë i takimit. Smaçi zë vendin e Jonuzit te Laçi.
70'- Zëvendësim te Skënderbeu. Del Gripshi, në fushë Realdo Fili.
61'- Pranë golit të dytë Skënderbeu, Gripshi gabon fare pranë portës me gjuajtjen që shkon jashtë.
60'- Ndeshja ekuilibrohet sërish, duele të forta në qendër të fushës.
53'- Kartoni i parë i verdhë i sfidës, ndëshkohet Xhixha për Laçin.
52'- Skënderbeu nis më i vendosur, korçarët më këmbëngulës në fazën sulmuese.
45'- Nis pjesa e dytë me topin që shkelmohet nga kurbinasit.
45+1'- Mbyllet pjesa e parë me rezultatin 1-1.
45'- Një minutë shtesë akorduar nga gjyqtari i katërt në këtë pjesë të parë.
40'- Laçi tenton një vertikalizim por pa sukses.
33'- Kundërpërgjigjet Skënderbeu, barazon shifrat me anë të Muzakës.
30'- Hutim i mbrojtjes korçare, Uzuni kalon në avantazh Laçin me një depërtim të bukur të finalizuar në trekëndesh.
26'- Pranë golit Skënderbeu, rrëmujë në zonë por mbrojtësit e Laçit arrijnë të largojnë topin.
20'- Ekipet tregohen mjaft të kujdesshme, loja vijon e ekuilibruar dhe e luftuar.
13'- Laçi kundërpërgjigjet por goditja devijohet në goditje nga këndi.
12'- Rast i parë i rrezikshëm për gol, top i ngecu në zonë por goditja në fund nga Gripshi nuk ishte e saktë.
10'- Sfida mjaft e ekuilibruar me dy skuadrat që luftojnë fort në mesfushë.
6'- Goditje e fortë nga Krasniqi por topi jashtë kuadratit.
2'- Roveshatë e mbetur në tentativë nga Xhixha për Laçin por pa sukses.
1'- Topi i parë shkelmohet nga Skënderbeu.
Lexo gjithashtu
