Ekipi verilindor, Kukësi, ka nisur sot përgatitjet në Maribor të Sllovenisë. Në kuadër të ndeshjeve eliminatore të Europa League, ku Kukësi merr pjesë për vitin e katërt radhazi, stafi teknik me në krye Hasan Likën ka përzgjedhur 25 lojtarët më të mirë, duke përfshirë këtu dy prurjet e reja: Polizoi Arbërin dhe Sidrit Gurin. Ndërsa ekipit pritet që t’i bashkangjiten dhe lojtarë të tjerë në provë siç shprehen burime pranë stafit teknik.
[caption id="attachment_3642" align="alignleft" width="300"]
Kukësi duke zhvilluar stërvitje në Maribor[/caption]
Drejtori sportiv, Dritan Dervishi së bashku me teknikun Lika janë duke përpiluar dhe listën e hyrje-daljeve, pasi pritet që të ketë të tjerë futbollistë që do të largohen. Megjithatë, sa i përket stërvitjes, sot trajneri Lika ka zhvilluar një seancë paradite dhe sot pasdite pritet që të luhet takimi i parë miqësor kundër NK Celje, ekip i elitës së futbollit slloven.
Lexo gjithashtu
