Kukësi është duke përgatitur pjesën e mbetur të Kategorisë Superiore. Verilindorët ndodhen në Antalia, aty ku po ruajnë formën sportive, me kampionatin që është “me pushime” prej afro një muaji. Me vendin e parë në klasifikim, kuksianët vijojnë të qetë punën, duke siguruar edhe miqësoren e radhës.
Ekipi do të zhvillojë sot në orën 14:00 testin miqësor të radhës, me kundërshtar Politehnika Lasi. Rumunët do të vendosen përballë keyesuesve tanë dhe me gjasë kjo do të jetë ndeshja e fundit në tokën turke për verilindorët. Trajneri Duro pritet të provojë në fushë të gjithë lojtarët e grumbulluar, për të pasur një ide të qartë për formën e tyre sportive.