Kukësi fiton trofeun e parë të sezonit në garën me Partizanin dhe Skënderbeun

Tri skuadra në garë për titullin kampion dhe tre futbollistë të tyre në garë me njëri-tjetrin për “Këpucën e Artë”.

Bëhet fjalë për Kukësin, Skënderbeun dhe Partizanin, që gjatë këtij sezoni kanë garuar dhe vazhdojnë ta bëjnë këtë gjë edhe në vazhdim, për trofeun më prestigjioz të futbollit shqiptar.

Por, duket se Kukësi ka fituar trofeun e parë, pikërisht “Këpucën e Artë” që pritet t’i shkojë Pero Pejiçit.

Sulmuesi i verilindorëve ka shënuar 23 gola në këtë sezon në Superligë, 8 më shumë se Salihi i Skënderbeut dhe Ekuban i Partizanit.

Kur kanë mbetur edhe tri ndeshje deri në fund të kampionatit, duket e vështirë, për të mos thënë e pamundur që sulmuesi i Skënderbeut dhe ai i Partizanit t’ia rrëmbejnë këtë pozicion, 34-vjeçarit kroat të Kukësit.