Partizani humbi në shtëpi ndeshjen e fundit ndaj Kukësit me rezultatin 1-3, ndërsa të shumta ishin kritikat që tifozët e kuq bënë për lojtarët, trajnerin dhe stafin. Në atë takim, kampionët në fuqi kishin 4 mungesa, duke ndikuar në zgjedhjet e trajnerit Italian. Në kushtet kur mungonin, Alban Hoxha, Hektor Idrizaj, Dorian Kërçiku apo Amir Bilali, zgjedhjet për krahun e djathtë të mbrojtjes ishin thuajse zero.
Lojtarët mbartnin dëmtime nga e kaluara apo edhe të freskëta, si rasti I Hoxhës dhe Bilalit. Në listën e të dëmtuarve është futur edhe Bitri, që stërvitjen e djeshme e ndoqi i fashuar dhe me akull. Beratasi u aktivizua vetëm 33 minuta në sfidën ndaj Kukësit, ndërsa është në dyshim për të diel. Me krizë rezultatesh, pesë humbje radhazi dhe 5 dëmtime, Partizani duhet t'I "falet" kalendarit. Kampionët në fuqi luajnë ndaj Luftëtarit të diel në orën 17:00.
Lexo gjithashtu
