Dy ditë para ndeshjes me Kukësin, skuadra e Skënderbeut do marrë dozën e duhur të mbështetjes. Pikërisht në stërvitjen e sotme në orën 11:00, tifozët e bardhekuqve kanë vendosur të takojnë skuadrën, si një gjest motivi për pjesën e mbetur të sezonit teksa është bërë thirrje për mbështetje masive.
Ndryshe nga vitet e tjera, “Ujqërit e Dëborës” kanë menduar të përkrahin ekipin e Ahmataj në stërvitje, kjo edhe prej kyçjes së stadiumeve prej pandemisë. Tej dekadës së fundit me shkëlqim, ky sezon sheh Skënderbeun në ujëra të turbullta, duke rrezikuar edhe qëndrimin në Superligë. Korçarët luajnë të shtunë në shtëpi me Kukësin në orën 13:45, me ndeshjen që vlen për javën e 17-të të Kategorisë Superiore.
Loading ...
