Jean-Michel Cavalli nuk do të jetë më trajneri i Prishtinës, me teknikun 67-vjeçar që ka mbyllur aventurën e tij me bardheblutë. Pas 28 ndeshjesh në krye të ekipit që militon në Superligën e Kosovës, kësaj aventure i ka ardhur fundi.
Është vetë klubi bardheblu që ka njoftuar për ndërprerjen e bashkëpunimit me Jean-Michel Cavalli. Shkak për “lamtumirën” e francezit me kryeqytetasit është bërë gjendja shëndetësore e 67-vjeçarit.
Njoftimi i klubit të Prishtinës:
Për shkak të gjendjes shëndetësore dhe pas një marrëveshjeje të përbashkët, FC Prishtina ka vendosur të ndërpresë bashkëpunimin me trajnerin Jean-Michel Cavalli.
E falënderojmë trajnerin Cavalli për përkushtimin dhe kontributin e dhënë gjatë kohës së tij në klub, duke i uruar shëndet të plotë dhe shumë suksese në të ardhmen, si në aspektin personal ashtu edhe profesional.
Merci, Mr. Cavalli!
Lexo gjithashtu
