Kosova do të luajë dy ndeshje të rëndësishme gjatë këtij muaji. Së pari dardanët do të udhëtojnë drejt Çekisë, në “finalen” që do të vendosë kualifikmin ose jo për në EURO 2020. Pikërisht, rëndësia e kësaj sfidë ka bërë që drejtuesit të prezantojnë edhe një uniformë speciale lidhur me këtë takim.
Kompania që ka marrë përsipër veshjen e kosovarëve, ka prezantuar sot fanellën për transfertën çeke. Fanella është me material të veçantë dhe në të vihet re një shirit blu me fushë të bardhë. Kosova është në garën drejt kualifikimit, andaj një rezultat i mirë në transfertë do të bënte që ndeshja e fundit ndaj Anglisë në “Fadil Vokrri” të merrte rëndësi të madhe.
Loading ...
