Kosova U21 do të luajë më datë 16 nëntor ndaj Shqipërisë U21, sfidën e vlefshme kualifikuese për Kampionatin Europian 2023. "Dardanët" renditen në vendin e 5-të me 3 pikë, ndërsa Shqipëria në vendin e 2-të me 9 pikë pas 4 ndeshjesh.
Federatat e Kosovës përmes një postimi në faqen zyrtare ka publikuar listën e lojtarëve të grumbulluar nga trajneri i Kosovës U21, Michael Nees. Në këtë listë bie në sy prezenca e 3 lojtarëve nga Superliga shqiptare. Leard Sadriu dhe Melos Bajrami nga Skënderbeu dhe Altin Bytyçi nga Kukësi janë futbollistët që trajneri Nees ka ftuar nga kampionati shqiptar. Bytyçi u ftua nga Kombëtarja U21 e Shqipërisë disa muaj më parë, por nuk arriti të debutonte e siç duket tani ka ndryshuar mendje duke pranuar ftesën e Kosovës.
Lexo gjithashtu
