Rikonstruksioni i stadiumit të Prishtinës dhe emërtimi i tij me emrin e ish-kreut të FFK-së Fadil Vokrri, krijoi shpresa të shumta te kosovarët se do të mundeshin më në fund të shihnin Kombëtaren e tyre në shtëpi në sfidat e Ligës së Kombeve.
Por mesa duket kjo nuk është ende e sigurt, pasi impianti i kryeqytetit nuk është licensuar ende nga UEFA. Lajmi është bërë i ditur edhe nga kryetari i Komunës së Prishtinës Shpend Ahmeti i cili në një postim në rrjetet sociale ka bërë të ditur se prova e fundit do të jetë më 2 shtator.
Sipas informacioneve pengesë për mosaprovimin e stadiumit në ndeshjen e Superkupës mes Prishtinës dhe Dritës ishin fishekzjarret e futura nga tifozët dhe hedhja e tyre në fushë, që nga delegatët e UEFA-s është cilësuar si mangësi në kushtet e sigurisë.
Loading ...
