Ka zgjatur vetëm 6 muaj aventura e Caleb Ekuban në Serie A me Genoa. Ish-sulmuesi i Partizanit në Superligën shqiptare u largua nga Trabzonspor dhe firmosi me skuadrën italiane gjatë merkatos së verës, ndërsa tani në janar do të rikthehet sërish në Turqi, por këtë herë me një tjetër fanellë.
Mediat italiane bëjnë me dije se Genoa ka arritur akordin me Konyaspor për huazimin e lojtarit më të drejtë blerje për 2 milionë euro. Negociatat janë në një fazë të avancuar, Ekuban pritet që në ditët në vijim të bashkohet me skuadrën e re.27-vjeçari te Konyaspor do të gjejë lojtarët shqiptarë, Cikalleshi, Çekiçi dhe Bytyqi, ndërsa do të konkurrojë me Cikalleshin për një vend titullari në majën e sulmit.
Poll
Lexo gjithashtu
