Vendimi i Mohamed Salah për t'u larguar nga Liverpool në fund të sezonit, ka bërë që tek "The Reds" të vihen në lëvizje për zëvendësimin e tij në "Anfield Road".
Sulmuesi egjiptian pritet të përfundojë kontratën e mbetur që i skadon në 30 qershor 2026, për t'u bërë më pas agjent i lirë për skuadrat e tjera që do të interesohen për shërbimet e tij.
Drejtuesit kanë piketuar yllin e Bayern Munich, Michael Olise, i cili identifikon pasuesin e duhur të Salah për karakteristikat që ka në fushën e lojës. Megjithatë, tentativat për të hequr anësorin francez nga "Allianz Stadium" mund të dështojnë ende pa nisur akoma pasi drejtori sportiv i klubit gjerman, Max Eberl nuk e çon nëpërmend të privohet nga një lojtar si Olise.
"As që e konsiderojmë një mundësi të tillë", ka deklaruar Eberl.
Më tej, drejtori ka shtuar se në kontratën e 24-vjeçarit nuk ekziston asnjë klauzolë lirimi, ndaj dhe tek bavarezët ai mban statusit e të paprekshmit.
Lexo gjithashtu
