Trajenri i Kukësit, Milikoviç ka folur më herët gjatë ditës së sotme për mediat, para ndeshjes me Laçin.
Serbi foli për ndeshjen e ardhshme, për sulmin dhe grupin. Sot ai foli për herë të parë edhe për çështjen e tifozëve, të cilët kanë bojkotuar pjesmarrjen në stadium, pasi nuk duan të kenë një trajner serb në pankinë.
Milinkoviç nuk e përmendi fare çështjen e kombësisë kur foli për ta, por thjesht tha se do bënin mirë që të vinin në stadium dhe besonte se ata do të ishin të pranishëm në ndeshjen e ardhshme.
NDESHJA – “Do të jetë një ndeshje mjaft e vështirë, pasi Laçi është një kundërshtar i rrezikshëm. Ata luajnë më mirë jashtë dhe këtë e treguan edhe në sfidën ndaj Partizanit, që fituan në Tiranë. E dimë që në sezonet e shkuara na kanë vendosur në vështirësi, por nuk dua të merrem me këtë gjë, pasi dua të shoh punën e ekipit tim, jo historinë”.
LAÇI – “Ata kanë nje ekip të mirë, pasi nga krahët janë të shpejtë me Nikën dhe Uzunin, por edhe Rexhinaldo është i mirë, nëse luan. Qendrën e mbrojtjes e kanë të mirë, me lojtarë interesantë. I kemi studiuar kurbinasit, ashtu siç kemi bërë edhe me ekipet e tjera. Megjithatë, ekipi im do të hyjë në fushë për të fituar”.
Lexo gjithashtu
