Për të gjithë të apasionuarit me motorrat qendra e Tiranës ka ofruar dje në mbrëmje një koncert të vërtetë. Motorra nga shumë vende të botës kanë mbërritur në vendin tonë dhe janë bërë pjesë e këtij aktiviteti.Organizatorët e koncertit kanë sjellë për publikun disa nga këngëtarët e njohur si Eugent Bushpepa apo Kastro Zizo. Motorristët kanë mbërritur në vendin tonë në datën 17 qershor dhe për tre ditë ata kanë bërë pak zhurmë përqark ashtu si edhe vetë janë shprehur.
Risia e këtij viti ishte pikërisht prania e shumë grupeve muzikore të rrokut që performonin për dashamirësit e këtij zhanri muzikor dhe gjithë atyre që kërkojnë të jenë pjesë e aventurave me motorra. Ky është viti i tretë që ky event zhvillohet në Shqipëri dhe interesi i publikut ka qenë më i lartë. Të pranishëm dje në mbrëmjë përgjatë koncertit ishin edhe disa anëtarë të shoqatave të bodybilding si dhe mise shqiptare të edicionit të fundit.
Ky event është organizuar me ndihmën e Bashkisë së Tiranës dhe fondacionit EDS me qëllim kryesor argëtimin e publikut, si dhe për të treguar se disa njerëz e kanë stil jetese adrenalinën që të ofron jeta mbi motorra.
Lexo gjithashtu
