Humbja e Shqipërisë kundër Zvicrës dhe fitorja e Francës nga Rumanisë kanë bërë që kuotimet në kompanitë e basteve të vendosin koefiçentë të pabesueshëm për sfidën e radhës për kuqezinjtë. Edhe pse të besuarit e Xhani De Biazit kanë bërë një lojë të mirë edhe pse me 10 vetë, ku kishin mundësi të barazonin, sërish kompanitë më të mëdha të basteve në botë bëjnë vlerësim në kushte të tjera për sfidën e radhës. Ndeshja që do të luhet nesër në “Vellodrome” të Marsejës ka marrë një tjetër pamje në kompanitë e basteve, të cilat e bëjnë pothuajse të pamundur fitoren e Shqipërisë, ndoshta dhe barazimin. Nga ana tjetër, Francës ia bëjnë “fushë me lule” këtë sfidë.
Fitorja e Francës vlerësohet me koefiçent nga 1.18 deri në 1.25, ndërsa barazimi nga 6.8 deri në 8. Sa i përket fitores së kuqezinjve, ajo vlerësohet me shifrat 17 deri në 21.
