Dinamo fitoi dje 0-2 me Kastriotin, pas kthimit në elitë. Nëntë sezone kishte Nëndetësja në Kategorinë e Parë, me kthimin që ka qenë special. Tanimë Blutë e Shkëmbit do duhet të tregojnë nivel edhe në sfidën e radhës, atë me Laçin të premte në “Elbasan Arena”.
Gazetari Ylli Aga ka treguar në Gol pas Goli se në varësi të stërvitjeve, skuadra e Dinamos qëndron në grumbullim qysh nga ora 8:00 e mëngjesit në 20:00 të mbrëmjes. Gjithashtu, gazetari ka shtuar se presidenti i Dinamos ka dhënë dy rroga paradhënie edhe pse sezoni nisi fundjavën që shkoi. Me Dinamon që duket e konsoliduar nga ana financiare, rivaliteti për vendet e kreut në Superligë shtohet këtë sezon.