Klejdi Daci vetëm dy ditë më parë ndërpreu bashkëpunimin me skuadrën e Kukësit, duke u larguar kështu nga verilindorët pas 1 viti e gjysëm.
Në fillim Daci ishte afër kalimit te Dinamo që luan në Kategorinë e Parë, por tashmë bëhet me dije se lojtari kuksian ka firmosur me skuadrën e Teutës.
Kujtojmë se ky është një rikthim në bregdet për 23-vjeçarin, i cili në të kaluarën e tij ka luajtur i huazuar në Durrës. Kalimi i Dacit në “Niko Dovana” do të shtojë edhe më shumë konkurencën në ekip si dhe do të jetë një “armë” plus për Edi Martinin në pjesën e mbetur të sezonit.
