Korçarët kanë nisur të mendojnë më së miri të ardhmen, duke investuar në futbollin e të rinjve. Që prej ardhjes së Haris Fakiç, drejtorit të Skënderbeut, situata duket shumë më ndryshe dhe gjërat kanë nisur të funksionojnë më së miri, duke u bërë një klub që në bilancet e tij në fund të vitit del pozitiv për çdo grupmoshë.
Suksesi ka nisur te skuadrat e moshave, por që drejtuesit duan të përfitojnë me të drejtë nga investimi që po bëjnë. Burime të sigurta pranë “neësport.al” bëjnë me dije se asnjë lojtar i skuadrave të moshave nuk do të lëvizë nga klubi nëse kërkuesit nuk do të paguajnë 150 mijë euro.
Kjo është dhe klauzola e përcaktuar nga drejtuesit, të cilët pritet që të investojnë edhe më tepër te talentet. Gjatë kohëve të fundit kemi parë që kanë afruar të rinj nga çdo vend, të cilët kanë talent dhe janë premtues për të ardhmen, gjë që do të vazhdojë dhe do të kulmojë më vonë duke qenë se kërkesat kanë nisur të mbërrijnë në klub.
Lexo gjithashtu
