Gjatë finales së djeshme të Kupës së Konferderatave, Arturo Vidal i Kilit dhe Joshua Kimmich i Gjermanisë u bënë protagonistë të një sherri mes tyre në fushën e lojës.
Një episod i habitshëm, pasi të dy janë futbollistë të Bayern Munchen.
Fillimisht, Kimmich u kap me fjalë me portierin e Kilit, Bravon, ndërsa Vidal ndërhyri për të qetësuar gjakrat. Por, talenti gjerman iu kthye i revoltuar edhe shokut të tij të skuadrës te Bayern Munchen, duke marrë reagim të ashpër nga Vidal.
Pas ndeshjes, mesfushori kilian u shpreh: "I thashë Kimmich-it të fliste më pak dhe të luante futboll. Por, ajo çka ndodhi mbetet në fushë dhe ne mbetemi miq", ndërsa Kimmich pas fitores së finales nga ana e Gjermanisë sqaroi edhe episodin e ndodhur me Arturo Vidal: "Unë nuk i thashë asgjë Vidalit dhe as nuk e kuptova se çfarë po më thoshte. Megjithatë, këto gjëra ndodhin dhe jam i bindur se nuk ka për të ndikuar aspak kur ne të jemi në stërvitje me Bayern Munchen".
Lexo gjithashtu
