Oltijon Kërnaja është trajneri i ri i Partizanit B. Pas largimit të Renaldo Kalarit, është pikërish ish-i i Kukësit dhe ish-ndihmësi i Francesco Morierio te Laçi, ai që do të marrë drejtimin e “Demave”.
Lajmin e ka bërë të ditur vetë klubi i kuq, me anë të një postimi në rrjetet sociale. Ndërkohë që përvec Kërnajas, Partizani B tregon edhe pjesën tjetër të stafit. Realf Zhivanaj do të jetë asistent i trajnerit, ndërkohë që përgatitës atletik është emëruar Oriand Abazaj.
Postimi i Partizani B:
Partizani B prezanton stafin teknik për sezonin e ri 2025-2026 Në kuadër të përgatitjeve për sezonin 2025–2026, Partizani B do të drejtohet nga Oltion Kernaja në rolin e trajnerit të parë. Pjesë e stafit teknik do të jenë gjithashtu Realf Zhivanaj si asistent trajner dhe Oriand Abazaj si përgatitës atletik.
Ekipi B do të ketë një mision të dyfishtë :
• Të konkurrojë për ngjitjen në Kategorinë e Parë
• Të përgatisë elementët më premtues për ekipin e parë
Partizani B mbetet një komponent kyç në strategjinë e zhvillimit të klubit, si vazhdim i punës së Akademisë dhe mbështetje për skuadrën A .
View this post on Instagram
Lexo gjithashtu
